Крест
Покайтесь, ибо Господь грядет судить
Проповедь Всемирного Покаяния. Сайт отца Олега Моленко - omolenko.com
  tolkovanie.com  
  omolenko.com  
  propovedi.com  
  Избранное Переписка Календарь Устав Аудио
  Имя Божие Ответы Богослужения Школа Видео
  Библиотека Проповеди Тайна ап.Иоанна Поэзия Фото
  Публицистика Дискуссии Библия История Фотокниги
  Апостасия Свидетельства Иконы Стихи о.Олега Архив
  Жития святых Книга отзывов Исповедь Статистика Карта сайта
  Молитвы Слово батюшки Новомученики Пожертвования Контакты
Главная страница сайта Печать страницы Ответ на вопрос Пожертвования Видеоканал проповедей Вниз страницы Вверх страницы К предыдущей странице   К вышестоящей странице   К следующей странице Перевод
Google+ страничка   YouTube канал отца Олега   YouTube канал стихотворений Олега Урюпина   Facebook страничка  


ВКонтакт Одноклассники Facebook Twitter Google+ Blogger Livejournal Яндекс Mail.Ru Liveinternet

Последование молебна святой блаженной Христа ради юродивой матушке Екатерине (Моленко)

19 февраля 1997


Блаженнная Екатерина Вышгородская

winword файл
MS Word файл
с текстом молебна

 

Чтец: Молитвами святых отец наших, Господи Иисусе Христе Боже наш, помилуй нас.

Лик: Аминь. Царю Небесный:

Таже чтец: Трисвятое. Пресвятая Троице: Отче наш: Господи, помилуй, 12. Слава, и ныне: Приидите, поклонимся: трижды.

Псалом 142

Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.

Слава, и ныне: Аллилуиа, трижды.

Затем поем "Бог – Господь:" на глас тропаря,
глас 5

Бог Господь и явися нам, благословен Грядый во имя Господне.

Стих 1: Исповедайтеся Господеви, яко благ, яко в век милость Его.

Стих 2: Обышедше обыдоша мя и именем Господним противляхся им.

Стих 3: Не умру, но жив буду и повем дела Господня.

Стих 4: Камень, егоже небрегоша зиждущии, сей бысть во главу угла, от Господа бысть сей и есть дивен во очесех наших.

И настоящие тропари, глас 5

Твой подвиг мнимого безумия, / крайнего смирения и паче-естественного терпения / кто может постигнути или исповедати, / блаженная мати Екатерина. / С Вышгорода и пределов Киевских на всю вселенную просияла еси, / ты бо бесам страшна была еси, / и многих ко спасению управила еси, / во времена последния. / Велие дерзновение к Богу стяжала еси, / Его же моли, радосте наша, / даровати нам мир, покаяние и велия милости. Дважды.

Слава, и ныне: глас 4: Не умолчим никогда, Богородице, / силы Твоя глаголати, недостойнии: / aще бо Ты не бы предстояла молящи, / кто бы нас избaвил от толиких бед; / кто же бы сохранил до ныне свободны; / не отступим, Владычице, от Тебе, / Твоя бо рабы спасaеши присно от всяких лютых.

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

Затем поем канон (из общей службы Христа ради юродивым), глас 4.

Песнь 1

Ирмос: Моря чермную пучину / невлажными стопами / древний пешешествовав Израиль, / крестообразныма Моисеовыма рукама / Амаликову силу в пустыни победил есть.

Припев: Святая блаженная мати Екатерина моли Бога о нас.

Причастием еже к Богу преподобная свет была еси, и к нему отлучився Екатерина блаженная, желанием крайним, благим надеждам своим мати исполнение прияла еси.

Припев: Святая блаженная мати Екатерина моли Бога о нас.

Желанием еже к Богу распаляема, мир оставила еси, спутника мати обрет Христа, Екатерина славная; с Ним же стезю прошла еси спасительную радуяся.

Припев: Святая блаженная мати Екатерина моли Бога о нас.

Обогатитися никакоже истощаемыми возжелев, богатство и славу временную мудре, и пищу мимотекущую, и мирское достояние доблемудренно отринула еси.

Богородичен: Красную и избранную и всечестную разумев тя Сын Божий, пренепорочная, Сын Твой бысть; Сыны сотвори благодатию, Богородице чтущыя тя.

Песнь 3

Ирмос: Веселится о Тебе Церковь Твоя, / Христе, зовущи: / Ты моя крепость. Господи, / и прибежище и утверждение.

Святая блаженная мати Екатерина моли Бога о нас.

Усердно к мысленным совлеклся еси деянием, побеждая вражия полки пособием божественнаго Духа.

Святая блаженная мати Екатерина моли Бога о нас.

Ранами и молитвенным воздержанием, и биении преподобная, страсти мирския, мати Екатерина, уязвила еси.

Святая блаженная мати Екатерина моли Бога о нас.

Умори врага блаженная твоя, Иисусе, мати Екатерина, умерщвления Твоего, Владыко, живоноснаго радостно возжелав.

Богородичен: Избавляющаго человеки преслушания лютаго падения, всему виновнаго чистая, и всенепорочная, родила еси.

Седален глас 5: Подобен: Собезначальное Слово:

Согласием божественным озаряем, в пути ведущыя, к божественным сиянием ходила еси верно, преподобная мати, и врагов отбег прилогов дочь света и дне явилася еси, Екатерина богоблаженная.

Слава и ныне:

Богородичен:

Мати Божия Пречистая, граде христианский, избави люди твоя от бед, прилежно зовущия: и противися врагом гордым мысленным, да вопием ти: радуйся, Благословенная.

Крестобогородичен: Крестом Сына твоего, Богоблагодатная, идольская прелесть вся упразднися, и демонская крепость попрася; сего ради вернии по долгу тя присно поем и благословим, и Богородицу воистину исповедающе тя величаем.

Господи помилуй 12 раз вместо сугубой ектении.

Тропарь, глас 2

Моление теплое и стенa необоримая, / милости источниче, мiрови прибежище, / прилежно вопием Ти: Богородице Владычице, / предвари, и от бед избaви нас, / едина вскоре предстaтельствующая.//

Песнь 4

Ирмос: Вознесена Тя видевши Церковь на Кресте, Солнце праведное, ста в чине своем, достойно взывающи: слава силе Твоей, Господи.

Святая блаженная мати Екатерина моли Бога о нас.

Соединився стезе правды, в Богоспасаемый божественный град вошла еси, преподобная мати Екатерина, спасительным сиянием обогатившаяся.

Святая блаженная мати Екатерина моли Бога о нас.

Единообразный, преподобная Екатерина, смысл богоносный видев, божественными повестьми и божественною одеждою одеялася еси.

Святая блаженная мати Екатерина моли Бога о нас.

Сердце твое скрижаль очищену, Святаго Духа благодать обретше, мати Екатерина, написа совершенно безстрастие, веру и любовь нелицемерную.

Богородичен: Седяй на престоле превознесенне херувимстем, яко престол тя имея, Марие Богоневесто, на руках твоих почи препрославленный Бог наш.

Песнь 5

Ирмос: Ты, Господи мой, / Свет в мир пришел еси, / Свет Святый, обращаяй из мрачна неведения, / верою воспевающыя Тя.

Святая блаженная мати Екатерина моли Бога о нас.

Пресветлую зарю, Екатерина, приим, яко солнце явилася еси, и демонскую тму отгнала еси, достославная.

Святая блаженная мати Екатерина моли Бога о нас.

Твоим желанием, Христе, отвергла всепреподобная мати Екатерина, желание телесное, якоже изгребие мирское оттрясе.

Святая блаженная мати Екатерина моли Бога о нас.

Силою Божественную душу укрепив, в мир вселилася еси опустевая страсти, мати богомудре Екатерина.

Богородичен: Рачение преста телесное, Дева бо нетленно роди Бога Слово, паче естества и слова дева пребывает.

Песнь 6

Ирмос: Пожру Ти со гласом хваления, Господи, / Церковь вопиет Ти, / от бесовский крове очищшися, / ради милости от ребр Твоих истекшею Кровию.

Святая блаженная мати Екатерина моли Бога о нас.

Ум твой весь к Богу простирая, непрестанными поучении, плотския любве не пощадила еси, благих тебе ходатайству, Екатерина, присвоение.

Святая блаженная мати Екатерина моли Бога о нас.

Ни скверны, ни враски прияла еси блаженная, посреде тебе мира живущу, честными же паче мольбами твоими очищаеши от душевныя скверны притекающия к тебе.

Святая блаженная мати Екатерина моли Бога о нас.

Ты плотских мудрований высше имея помысл, не уязвилася еси посреде мужей обнажаема, безстрастия бо одеждею, Екатерина, одеялася еси.

Богородичен: Усты и помыслом и сердцем, пресвятая Богородице, тя проповедуем, тобою Богу примирихомся, отриновении преступлением первее праотца.

Господи помилуй 3 раза вместо малой ектении.

Кондак глас 2

Вышния красоты еще в сей жизни достигшая, /имела в яве общение с Господом,/ Богородицей и святыми Божиими, /тленное и временное в житии совершенно презрела еси,/ ангельское житие яко юродивая Христа ради /с младых лет до кончины прошла еси, /ныне в горних обителях сладости вселилася еси, /блаженная Екатерина Вышгородская, /сего ради Христа Бога моли /непрестанно о всех нас, /да спасемся твоими молитвами.

Икос

Како возмогу грешный аз, и скверный душею вкупе и телом, исписати еже во плоти сый, равноангельное житие твое, и преславная чудеса; Аще убо мнози премудрии не достигнут исповедати многаго твоего терпения и смирения, и теплыя ко Христу любве, но обаче надеяся на твое беззлобие, о Блаженная, сице вопию ти: Радуйся, пресветлая звездо, от востока добродетелей возсиявшая и вселенную чудесы озарившая. Радуйся, возненавидевшая родительскую любовь, Христа же единаго, над всеми сущаго Бога, всем сердцем возлюбившая, и тому невозвратным желанием последовала еси. Радуйся, яко буйственное и юродственное по апостолу жительство избравшая. Радуйся, пременившая тленная и нестоящая, надеждею будущих Благих. Радуйся, иже древнему Иову уподобившаяся терпением. Радуйся, страстотерпица Христова непобедимая, но присно побеждающая диавола твоим смирением. Радуйся, иже яко древний он Лазарь нищий, ныне почиваеши в лоне Авраамли. Радуйся, иже по отшествии от мира сего, сущим в бедах и искушениих готова обретаешися предстательница и заступница. Радуйся, везде призывающих тя быстро предваряеши. Радуйся Богомудрая Екатерина.

Прокимен, глас 7

Чтец: Честна пред Господем смерть преподобных его.

Стих: Что воздам господеви о всех, яже воздаде ми;

Старший: От Матфея святаго Евангелия чтение (зач. 43).

Лик: Слава Тебе, Господи, слава Тебе.

Евангелие от Матфея, зачало 43

Рече Господь Своим учеником: вся Мне предана суть Отцем Моим, и никтоже знает Сына, токмо Отец: ни Отца кто знает, токмо Сын, и емуже аще волит Сын открыти. Приидите ко Мне вси труждающиися и обремененнии, и Аз упокою вы. Возмите иго Мое на себе и научитеся от Мене, яко кроток есмь и смирен сердцем, и обрящете покой душам вашим. Иго бо Мое благо, и бремя Мое легко есть.

Лик: Слава Тебе, Господи, слава Тебе.

Слава: Молитвами блаженной матушки Екатерины, / Милостиве, очисти / множества согрешений наших.

И ныне: Молитвами Богородицы, / Милостиве, очисти / множества согрешений наших.

Помилуй мя, Боже, / по велицей милости Твоей / и по множеству щедрот Твоих / очисти беззаконие мое.

Стихира, глас 6

Не ввери мя человеческому предстaтельству, / Пресвятая Владычице, / но приими моление раба Твоего: / скорбь бо обдержит мя, / терпети не могу демонскаго стреляния, / покрова не имам, / ниже где прибегну, окаянный, / всегда побеждaемь, / и утешения не имам, разве Тебе, Владычице мiра, / уповaние и предстaтельство верных, / не презри моление мое, полезно сотвори.

Старший: Спаси, Боже, люди Твоя и благослови достояние Твое, посети мiр Твой милостию и щедротами, возвыси рог христиан православных и низпосли на ны милости Твоя богатыя, молитвами всепречистыя Владычицы нашея Богородицы и Приснодевы Марии, силою Честнаго и Животворящаго Креста, святвго Апостола и Евангелиста Иоанна Богослова, предстательствы честных Небесных Сил безплотных, честнаго, славнаго пророка, Предтечи и Крестителя Иоанна, святых славных и всехвальных Апостол, иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго, иже во святых отца нашего Николая, архиепископа Мирликийскаго, чудотворца, святых равноапостольных Мефодия и Кирилла, учителей словенских, святых равноапостольных великаго князя Владимира и великия княгини Ольги, иже во святых отец наших всея России чудотворцев, Михаила, Петра, Алексия, Ионы, Филиппа и Ермогена, святых, славных и добропобедных мучеников, преподобных и богоносных отец наших, святых и праведных богоотец Иоакима и Анны (и святаго имярек, егоже есть день), и всех святых. Молим Тя, многомилостиве Господи, услыши нас, грешных, молящихся Тебе, и помилуй нас.

Лик: Господи, помилуй, 12.

Песнь 7

Ирмос: В пещи Авраамстии отроцы персидстей, /любовию благочестия паче,/ нежели пламенем опаляеми, взываху:/ благословен еси в храме славы Твоея, Господи.

Святая блаженная мати Екатерина моли Бога о нас.

Содержима Христоподобною, мати Екатерина, Божественною любовию других спасти, радостно вся сама вопия издалася еси: Благословен еси в храме славы твоея Господи.

Святая блаженная мати Екатерина моли Бога о нас.

С Небесе тебе поданную мати Екатерина, прием пищу, сею препитала еси Благопокорно приемлющия твоя повеления, и долу влекущий грех оставляющия, Блаженне.

Святая блаженная мати Екатерина моли Бога о нас.

Последовав отеческим преданием мати Екатерина, мудрая, пагубы оригеновы бегати злочестивыя, заповедала еси зовущим: Благословен еси в храме славы твоея Господи.

Богородичен: Вышняго освященное Божественное селение, радуйся: тобою бо дадеся радость, Богородице зовущим: Благословена ты в женах еси всенепорочная Владычице.

Песнь 8

Ирмос: Руце распростер Даниил, /львов зияния в рове затче:/ огненную же силу угасиша,/ добродетелию препоясавшеся,/ Благочестия рачители отроцы, взывающе: /Благословите вся дела Господня Господа.

Святая блаженная мати Екатерина моли Бога о нас.

Всесветлая ты была еси звезда, сущия в тине страстей приводя к животу: твориши бо жены нечистыя целомудренно жити, и отгониши лютыя недуги, вопия: Благословите вся дела Господня Господа.

Святая блаженная мати Екатерина моли Бога о нас.

Сущи цела умом в скрове мудрых чудес преподобная, многия уловила еси юродствовати Господа ради, ведущая наругаема быти, вопия чистейшею душею мати Екатерина: Благословите вся дела Господня Господа.

Святая блаженная мати Екатерина моли Бога о нас.

Совершен един Господь, иже своих славяй по достоянию, износиму тя и гробу посылаему Блаженнуя, ангельскими светлословеньми почитает зовущую: Благословите вся дела Господня Господа.

Богородичен: Избавляяй нас возсия из тебе Господь, Дево чистая, егоже моли Владычице, просветити поющия тя, и обстояния нас избавити вопиющих: Благословите вся дела Господня Господа.

Старший: Богородицу и Матерь Света в песнех возвеличим!

Лик: Поет Честнейшую:

Величит душа Моя Господа,
и возрадовася дух Мой о Бозе Спасе моём.
Честнейшую :

Яко призре на смирение рабы Своея,
се бо от ныне ублажат Мя вси роди.

Яко сотвори Мне величие Сильный,
и свято имя Его, и милость Его
в роды родов боящимся Его.

Сотвори державу мышцею Своею:
Расточи гордыя мыслию сердца их

Низложи сильныя со престол
и вознесе смиренныя; алчущия исполни благ
и богатящияся отпусти тщи.

Восприят Израиля отрока Своего,
помянути милости, якоже глагола ко отцем нашим,
Аврааму и семени его, даже до века.

Песнь 9

Ирмос: Камень нерукосечный, от несекомыя горы, тебе Дево, краеугольный отсечеся, Христос, совокупивый разстоящаяся естества. тем веселящеся, тя Богородице величаем.

Святая блаженная мати Екатерина моли Бога о нас.

Всем сердцем мати Екатерина, Троице усердно предложиваяся, и от нея лучи Благодетельно прием, световидна была еси, и со ангелы ликуеши.

Святая блаженная мати Екатерина моли Бога о нас.

Желанием Божественным приединиваяся, и воздержанием просвещаема, будущих благ в причастии уже быв, мати Екатерина, Богоблаженне, и в наслаждении.

Святая блаженная мати Екатерина моли Бога о нас.

Твоими болезньми и поты прияла еси веселие, никакоже конца имущее: в немже питаяйся мати Екатерина, преблаженне, и нас непрестанно поминай.

Богородичен: Спаси мя рождшая всех избавителя и Благодетеля, разори души моея облаки, света облаче святая Владычице, и сильна соделай на страсти борющия мя.

По окончании канона поем

Достойно есть яко воистинну / блажити Тя, Богородицу, / Присноблаженную и Пренепорочную / и Матерь Бога нашего. / Честнейшую Херувим / и славнейшую без сравнения Серафим, / без истления Бога Слово рождшую, / сущую Богородицу Тя величаем.

Светилен

Удалився бегая мирских сожительства,/Христу над всеми Богу нашему непорочным житием благоугодила еси: /егоже ныне моли о нас рабех твоих, /верою празднующих всечестную память твою, /Богомудре мати Екатерина.

Богородичен: Мудрость впостасную /и слово пресущное, /и Врача всех порождшая Дево,/ струпы и язвы души моея /исцели лютыя и многовременныя:/ и страстная утоли сердца моего помышления.

Трисвятое. Пресвятая Троице: Отче наш:

Тропарь, глас 5

Твой подвиг мнимого безумия, / крайнего смирения и паче-естественного терпения / кто может постигнути или исповедати, / блаженная мати Екатерина. / С Вышгорода и пределов Киевских на всю вселенную просияла еси, / ты бо бесам страшна была еси, / и многих ко спасению управила еси, / во времена последния. / Велие дерзновение к Богу стяжала еси, / Его же моли, радосте наша, / даровати нам мир, покаяние и велия милости.

Слава: Кондак глас 2: Вышния красоты еще в сей жизни достигшая, /имела в яве общение с Господом,/ Богородицей и святыми Божиими, /тленное и временное в житии совершенно презрела еси,/ ангельское житие яко юродивая Христа ради /с младых лет до кончины прошла еси, /ныне в горних обителях сладости вселилася еси, /блаженная Екатерина Вышгородская, /сего ради Христа Бога моли /непрестанно о всех нас, /да спасемся твоими молитвами.

И ныне: Милосердия двери отверзи нам, / благословенная Богородице, / надеющиися на Тя да не погибнем, / но да избавимся Тобою от бед: / Ты бо еси спасение рода христианскаго.

Господи помилуй 12 раз. Вместо сугубой ектении

Величание

Ублажаем Тя, / святая блаженная мати Екатерина / и чтем святую память твою, /ты бо молиши за нас / Христа Бога нашего.

Лик: Святая блаженная мати Екатерина, моли Бога о нас! (трижды)

Лик: Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.

Слава, и ныне: Господи, помилуй, трижды. Благослови.

Отпуст

Господи Иисусе Христе Боже наш, молитвами Пречистыя Своея Матере, святаго Апостола и Евангелиста Иоанна Богослова святой блаженной матушки Екатерины, святых и праведных богоотец Иоакима и Анны, и всех святых, помилуй и спаси нас, яко Благ и Человеколюбец.

Лик: Аминь.

Затем под пение тропаря братия прикладываются к иконе.

 

 

 

 

 

 

 


Главная страница сайта Печать страницы Ответ на вопрос Пожертвования Персональный видеоканал отца Олега Вниз страницы Вверх страницы К предыдущей странице   К вышестоящей странице   К следующей странице Перевод

Flag Counter
Код баннера
Сайт отца Олега (Моленко)

 
© 2000-2017 Церковь Иоанна Богослова