Апокалипсис	Переписка	Календарь	Устав	Карта сайта
	Имя Божие	Ответы	Богослужения	Доска объявлений	Видеоальбом
	Библиотека	Проповеди	Тайна ап.Иоанна	Поэзия	Фотоальбом
	Публицистика	Дискуссии	Библия	История	Фотокниги
	Апостасия	Свидетельства	Иконы	Тур по сайту	Пожертвования
	Жития святых	Книга отзывов	Исповедь	Архив	Статистика
	Молитвы	Слово батюшки	Новомученики	Истина и Жизнь	Контакты

		И З Б Р А Н Н О Е

Молитвословия, связанные с поминанием Императора и Царствующего Дома, измененные после февраля 1917-го года

Другие молитвы за царя

Молитва, произносимая наедине.
Ослаби, остави, прости, Боже, прегрешения наша вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко благ и человеколюбец.
Ненавидящих и обидящих нас прости, Господи человеколюбче. Благотворящим благосотвори. Братиям и сродникам нашым даруй яже ко спасению прошения и жизнь вечную. В немощех сущыя посети и исцеление даруй. Яже в мори управи. С путешествующими спутешествуй. Императору споборствуй.
Служащым и милующым нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отцев и братий наших и упокой их, идеже присещает свет лица Твоего. Помяни, Господи, братий наших плененных и избави я от всякаго обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас смиренных и недостойных раб Твоих, и просвети наш ум светом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии и всех Твоих святых; яко благословен еси во веки веков. Аминь.

Молитва за Царя. СПб., 1909 год.
Господи Боже наш, великий и многомилостивый! Во умилении сердец наших смиренно молимся Тебе: сохрани под кровом Твоея благости от всякаго злаго обстояния благочестиваго Государя нашего Императора (имя рек), огради его на всех путях его Святыми Твоими Ангелы, да ничтоже успеет враг на него и сын беззакония не приложит озлобить его.
Исполни его долготою дней и крепостию сил, да совершит вся во славу Твою и во благо народа своего. Мы же, всеблагому Твоему промышлению о нем радующееся на всяк день и час благословим и прославим всесвятое имя Твое, Отца и Сына и Святаго Духа. Аминь.